Сан алуны оештыру буенча бәйге
ТР Министрлар кабинеты карары нигезендә авыл хуҗалыгы буенча сан алуны оештыру һәм үткәрү буенча Татарстанда бәйге игълан ителде. Аның максаты - әлеге мөһим чараны югары сыйфатлы итеп үткәрүне тәэмин итү. Әлеге бәйгедә республиканың муниципаль районнары һәм шәһәр округлары катнаша ала.
Алар агымдагы елның 19 августына кадәр Татарстан дәүләт статистика идарәсенә (420021, Казан, Г.Камал урамы 24 а йорты. Җаваплы хезмәткәрнең телефоны 8-843-221-78-90) гаризалар һәм материаллар җибәрергә тиешләр.Конкурсның приз фонды 350 мең сум. Җиңүчегә 200 мең сум акча бирелә. Чыгымнар бюджет исәбеннән башкарыла. Авыл хуҗалыгы сан алуы буенча "кайнар линия" эшли. Аның телефоны 70-15-07.
Следите за самым важным и интересным в Telegram-каналеТатмедиа
Нет комментариев