Интернет-кибеткә куар-код кирәкми Аналитиклар исәпләп чыгарганча, бүгенге көндә Россия халкының 78%ы интернеттан файдалана. Һәм әлеге кулланучыларның 90%ы глобаль челтәргә көн дә керә. Элегрәк компьютер артына ил-көн, дөнья яңалыклары белән танышырга, социаль челтәрләрне күзәтергә, мавыктыргыч уеннарда күңел ачарга утырсак, хәзер инде ихтыяҗлар үзгәрде. Интернет безгә фатир өчен түләүләрне башкарырга да, хастаханәгә чиратка язылырга да, баланы – бакчага, мәктәпкә, түгәрәкләргә теркәргә дә кирәк. Соңгы араларда әлеге исемлеккә онлайн-сатып алулар да өстәлде. Әйе, 2020 елдан хакимлек иткән пандемия шартларында, интернет-кибетләр алулар аеруча популярлашып китте. «Яшь йөрәкләр» рубрикасының бүгенге кунагы, шәһәрдәшебез, эре бер маркетплейсның тапшыру пункты хуҗасы Гүзәл Хәбибуллина да әлеге сүзләрнең дөреслеген дәлилли. Игътибарыгызга яшь эшмәкәр белән әңгәмә тәкъдим итәбез.