Шәһәр урамнарында - шоферсыз йөрүче машина

Uber компаниясе машина йөртүчедән башка да хәрәкәт итә алучы машина ясап чыгарды. Бүгенге көндә инде аны Питтсбург шәһәре урамнарында күрергә мөмкин. Машинага дистәләгән камералар, лазерлы сканерлар куелган. Алар урамдагы хәрәкәтне күзәтеп машинаның компьютер системасына җиткерә һәм шул рәвешле барлык кагыйдәләр буенча төгәл йөри. Ул үзе борылышлар да ясый, җәяүлеләрне дә үткәрә, парковкага да керә ала, ди белгечләр. Бу сүзләрнең хакылыгына машина эчендә утырып йөргән журналистлар үзләре инанган.