Татарстанда 14 меңнән артык хатын-кыз бала тудыру сертификаты алды

Ел башыннан Татарстанда бала тудыру сертификаты буенча хезмәтләр өчен медицина учреждениеләренә 146 млн. сумнан артык акча күчерелде. 

Бала табу сертификаты - ул йөкле хатынга бала табу өчен медицина оешмасын сайлау, шулай ук авырлы вакытта  һәм аннан соң күзәтү үтү хокукын бирә торган документ. Электрон сертификат  йөкле хатын-кыз беренче тапкыр хатын-кызлар консультациясенә мөрәҗәгать иткәндә яшәү урыны буенча яки бала тудыру йортында рәсмиләштерелә. Сертификатны шулай ук бала профилактик тикшерүләр үтәчәк балалар поликлиникасында да рәсмиләштерергә була.