Татарстанда 32 градуска кадәр җылыта

6 августта Татарстанда явым-төшемсез, алмашынучан болытлы һава көтелә. Көндез +28 градуска кадәр күтәреләчәк. 
Гидрометеоүзәк мәгълүматларына караганда, көндез һава температурасы +23...+28 градуска җитәчәк. Җил төньяк-көнбатыштан көньяк-көнбатышка үзгәреп секундына 4-9 метр тәшкил итә. Көндез, көчәеп, секундына 12 метрга җитәргә мөмкин.
Яңгырлардан соң төбәккә эссе җәйге һава кире кайта. Ял көннәрендә һава температурасы +32 градуска кадәр күтәреләчәк.

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).