Әти булу җиңелме?

Чал­лы­да "Әти бу­лу җи­ңел­ме?" дип исем­лән­гән әдә­би-му­зы­каль ки­чә үт­те. Әле­ге ча­ра Му­са Җә­лил исе­мен­дә­ге шә­һәр үзәк ки­тап­ха­нә­се, "Ләй­сән там­чы­ла­ры" яшь жур­на­лист­лар клу­бы, Бө­тен­дөнья та­тар кон­грес­сы­ның Чал­лы бү­ле­ге бе­лән бер­лек­тә оеш­ты­рыл­ды.

Әти ке­ше­нең җәм­гы­ять­тә, га­и­лә­дә тот­кан ро­ле­нә ба­гыш­лан­ган ча­ра­да күр­кәм эш­лә­ре бе­лән үр­нәк бул­ган әти­ләр кат­наш­ты. Алар - ар­мспорт бу­ен­ча дөнья чем­пи­он­на­ры Рус­лан һәм Мар­сель Хә­ми­дул­лин­нар,

Чал­лы Шә­һәр Со­ве­ты де­пу­та­ты Рү­зил Мин­га­ли­мов, га­рәп те­ле укы­ту­чы­сы, дин әһе­ле Сө­ләй­мән хәз­рәт Фәх­ри­ев, Та­тар­стан­ның ат­ка­зан­ган ар­тис­ты Ра­вил Га­лив һәм "Та­тар мо­ңы" ха­лы­ка­ра фес­ти­ва­ле лау­ре­а­ты Ни­яз Хә­мәт­шин. Алар шә­хес тәр­би­я­ләү, ба­ла­лар­ның сә­лә­тен үс­те­рү сер­лә­ре бе­лән ур­так­лаш­ты­лар. Шу­лай ук, Та­тар­стан Язу­чы­лар бер­ле­ге әгъ­за­сы Зө­ләй­ха Мин­һа­җе­ва, отс­тав­ка­да­гы ма­йор Да­ян Ка­ды­ров үз­лә­ре­нең әти­лә­ре ха­кын­да го­рур­ла­нып сөй­лә­де­ләр.

Шу­ны­сы мө­һим: ки­чә­дә бу­ын­нар бәй­лә­ше ча­гы­лыш тап­кан иде. Әй­тик, Ра­вил Га­ли­ев­ның улы Сәй­дәш нә­фис сүз ос­та­сы бу­ла­рак чы­гыш яса­са, кы­зы Әми­нә өз­де­реп би­юе бе­лән та­ма­ша­чы­лар­ның кү­ңе­лен җә­леп ит­те. Та­тар­стан­ның ат­ка­зан­ган ар­тис­ты Ри­нат Хә­мә­ди­ев­ның кы­зы - Ләй­сән Хә­мә­ди­ва, Татарстан язучылар берлеге әгъзасы, "Шәһ­ри Чал­лы " га­зе­та­сы баш мө­хәр­ри­ре кы­зы - Ми­лә­ү­шә Ра­зо­ва­лар­ның чы­гыш­ла­ры да ал­кыш­лар­га кү­мел­де.

Алып ба­ру­чы вазыйфасы "Шәһ­ри Чал­лы" га­зе­та­сы журналисты Ил­шат Сол­та­нов һәм аның ба­ла­ла­ры Али­нә һәм Әмиргә йөкләнгән иде.

Та­тар дөнь­я­сы­ның зур шә­хе­се исе­мен йөрт­кән Га­ли Акыш исе­мен­дә­ге ли­цей­да го­реф-га­дәт­лә­ре­без­не сак­лап ка­лу өчен зур эш алып ба­ры­ла. Сә­ләт­ле ба­ла­лар да күп әле­ге уку йор­тын­да. Ки­чә­дә әле­ге ли­цей­да бе­лем алу­чы Иба­тул­ли­на Эль­ви­на­ның та­тар ха­лык би­юе бе­лән кат­на­шуы да оч­рак­лы тү­гел. Чөн­ки ки­тап­ха­нә­дә уз­ган бер ге­нә ча­ра да, әле­ге уку йор­тын­нан баш­ка уз­мый.

Җыр-моң­га, мәгъ­нә­гә са­лын­ган ча­ра та­ма­ша­чы­лар­да зур кы­зык­сы­ну уят­ты. Ки­лә­се ел­да исә шә­һәр­кү­ләм про­ект кы­са­ла­рын­да та­гын күб­рәк ке­ше­ләр­не җә­леп итү мак­са­тын­нан КФУ­ның Чал­лы фи­ли­а­лын­да үтә­чәк. Чөн­ки аның мак­сат­ла­ры­ның та­гын бер­се - шә­һәр хал­кын мә­дә­ни­ят, бе­лем би­рү йорт­ла­ры­на җә­леп итү.

Ләй­сән Шәй­хе­тд­ино­ва