Удмуртиядә мәҗбүри битлек режимын бетерелә
Төбәк башлыгы республикада коронавирус инфекциясе белән вазгыятьнең чагыштырмача тотрыклы булын һәм контрольдә тотылуын әйтте.
Удмуртия башлыгы Александр Бречалов социаль челтәрләрдә турыдан-туры эфир барышында төбәктәге битлек режимы 12 февральдән башлап тәкъдим формасында булачагын әйтте, дип РИА Новости хәбәр итә.
«10 февральдә җәмәгать туклануы биналарының, кинотеатрларның, театрларның, театр-концерт һәм мәдәни-ял учреждениеләренең эш режимына карата чикләү бетерелә. Спорт ярышлары төрле яшьтәге кешеләр өчен рөхсәт ителәчәк, бирегә 65+ категориядәге кешеләр керми, шулай ук тамашачыларның залларның яртысын гына тутыруы саклана», — ди төбәк башлыгы.
Шулай ук Удмуртиядә никах теркәүгә чакырырга мөмкин булган кунаклар санын егермегә кадәр арттырганнар.
Балалар бакчаларында персонал белән бергә ата-аналар, куркынычсызлык чараларын мәҗбүри үтәп, чараларда әти-әниләр катнаша аламы-юкмы икәнлеген билгеләргә хокуклы. Шул ук хәл өстәмә секцияләргә һәм түгәрәкләргә дә кагыла. Коллектив һәм ата-аналар карары буенча дәресләр яңартылырга мөмкин.
Төбәк башлыгы республикада коронавирус инфекциясе белән вазгыятьнең чагыштырмача тотрыклы булуын һәм контрольдә тотылуын әйтте, диелә бу хәбәрдә.
Следите за самым важным и интересным в Telegram-каналеТатмедиа
Нет комментариев