«Усадьба-2» бакчачылык ширкәтендә агач йорт янды

Тукай районының "Усадьба-2" бакчачылык ширкәтендә көндезге сәгать 1дә янгын чыкты. Богородицкая урамында агач йорт дөрләп янды. Ут 100 кв.метрдан артык мәйданны чолгап алды. Урынга тиз арада янгын сүндерүчеләр килеп җитте. Йортта яшәүчеләр исән-имин. Ана кеше, яшүсмер, 2 һәм 3 яшьлек кызлар чыгып өлгергән. Фаҗига сәбәпләре әлегә билгеле түгел.

- Тикшерү эшләре алып барылачак. Сәбәпләре шунда гына билгеле булачак, - ди Тукай районы буенча күзәтчелек һәм профилактик эшчәнлеге бүлегенең өлкән испекторы Артём Асеев. 

Битараф булмаган шәһәрдәшләр йортсыз калган гаиләгә матди ярдәм дә җыя башлады. Интернет челтәрендә балаларга өс киемнәре сорап язалар.