Шəhри Чаллы

Ябыгасың килсә

Иртән ач карынга ярты литр кайнаган кайнар су эчәргә. Бераз вакыттан соң 1 стакан сөткә 1 бал кашыгы бал, 1 бал кашыгы какао порошогы бутап эчәргә. Тагын 15 минуттан бер әфлисун йә грейпфрут ашап куярга. Әбәдкә кадәр 1 литр газсыз, минераль су эчәргә.

Төш вакытында 200 грамм майсыз балык яки тавык ите, ә гарнирга бары тик яшелчә генә ашарга.

Тагы 2 сәгатьтән 1 стакан "биокефир"га 1 бал кашыгы бал кушып эчәргә.

Сәгать 4 ләр тирәсендә гидромель дип исемләнгән махсус эчемлек ясап эчәргә. Ул сок аппетитны киметә. 1 лимон согын, 0,25 литр кайнаган су һәм бер бал кашыгы бал бутап, әз-әзләп кенә эчәргә.

Кичке ашка: 1,5 литр су, 500 грамм кишер (А витамины), 500 грамм помидор (калий), бер-ике тмин орлыгы (шлакларны чыгара) - барысын бергә 20 минут кайнатырга. Төнәтергә, тоз кушмаска. Башта араларында 10 шар минут калдырып 3 стакан шулпасын эчәргә, соңыннан яшелчәләрен дә ашарга. Зәйтүн мае һәм горчица белән тәм кертергә мөмкин.

Йоклар алдыннан 1 стакан йогуртка 1 бал кашыгы бал өстәп эчәргә.

Шушы киңәшләрне энәсеннән-җебенә кадәр үтәсәгез, 10 көннән сез үзегезне бөтенләй башка кеше итеп сизәрсез, ким дигәндә 5 килограммга ябыгырсыз.

Әкият, боларның барысын да каян юнәтәсең, аларны ясап утырырга каян вакыт табасың дисезме? Ихтыярыгыз. Ул чагында симезлектән былкылдап йөрүегезне дәвам итәсез инде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: