Ялган аракы саталар

Татарстанда 7 ай эчендә ялган спиртлы эчемлекләр белән агуланып 142 кеше үлгән.

Узган ел шушы чор эчендә төрле суррогатлар эчеп 217 кеше җан тәслим кылган иде. Аракы һәм башка спиртлы эчемлекләр базарында каты контроль кертелсә дә, республикабызга яшерен юллар белән законсыз алкоголь кертү дәвам итә. Быел ярты ел эчендә хокук саклау органнары тарафыннан узган ел белән чагыштырганда 70%тан артык ялган спиртлы эчемлекләр сатудан алынган.