Яр Чаллыда тантаналы рәвештә Залесный проспектын ачтылар

Татарстан Транспорт һәм юл хуҗалыгы министры Ленар Сафин капиталь ремонттан соң Залесный проспектын ачу тантанасында катнашты. Чарада шулай ук шәһәр мэры Наил Мәһдиев һәм Башкарма комитет җитәкчесе Фәрит Сәлахов та катнашты.

2,7 км озынлыктагы машиналар йөрү өлеше һәр юнәлештә ике хәрәкәт полосасыннан тора. Төзүчеләр асфальтның яңа катламын, монолит борт ташын җәделәр, юл билгеләре урнаштырдылар, җәяүлеләр кичү юлларын тәртипкә китерделәр, юл тамгасы төшерделәр. Ремонттан соң проспект буйлап 100 яңа яктырту баганасы, 10 тукталыш павильоны, биш җәяүлеләр юлы, дүрт ясалма юл тигезлеге барлыкка килде. Объектта эшләрне  МУП "ПАД" хезмәткәрләре башкарды.

«Мин Яр Чаллы шәһәре өчен куана, төзүчеләргә, МУП "ПАД" хезмәткәрләренә рәхмәт әйтә алам. Мондый куркынычсыз һәм сыйфатлы юллар Яр Чаллы шәһәрендә күбрәк барлыкка килгән саен, гражданнарның тормышы сыйфатлы һәм куркынычсыз булачак. Мин алдагы еллардагы сулы, чокырлы юлларны хәтерлим. Хәзер барысы да әйбәт" - диде министр.

Фотолар  nabchelny.ru сайтыннан алынды