Юллар, сукмаклар – төзекләндерелә

Яр Чаллы проспектында һәм 59, 48 бистәләрдә җәяүлеләр сукмакларын төзекләндерә башлыйлар.

"Шәһәр автомобильләре юллары" предприятиесе хезмәткәрләре проспектта күптән барлыкка килгән тирән тәгәрмәч эзләрен тигезләячәк. Эш Королевтан алып Нариман урамына кадәрге арада башкарыла. Бу атнада юл төзүчеләр 27/14 йорты һәм 48 бистәдәге мәчет янындагы җәяүлеләр сукмакларын ремонтларга тотыналар. Шушы көннәрдә генә "Шәһәр автомобильләре юллары" тарафыннан Сидоровка бистәсендәге Гвардейская урамы һәм 59нчы комплекстагы җирле юллар төзекләндерелеп бетте.