Зур автобуслар йөри башлый

Шушы көннәрдә капиталь ремонттан соң рәсми төстә Сөембикә проспектын ачу була. Шулай ук Чаллы проспектлары буйлап зур "НефАЗ"лар йөри башлый.

Шәһәргә газ-мотор ягулыгы белән эшләүче 196 автобус кайтырга тиеш. Шуларның 136сын муниципаль маршрутларга чыгару тәгаенләнгән. Сентябрь башыннан 70 автобус пассажирларга хезмәт күрсәтә башлый. Калганнары исә маршрутларга акрынлап чыгарылыр дип көтелә. Чөнки Нефтекамадан автобуслар тулысынча кайтып бетмәгән һәм аларны йөртү өчен әлегә 60тан артык шофер эшкә урнашкан. Яңа төзелгән "Электротранспорт" муниципаль унитар предприятиесенә барлыгы 410 автобус йөртүче кирәк. Аларның хезмәт хаклары 30 мең тирәсе булачак.