(Казан, 2 июль, "Татар-информ"). Зәй районында һәлакәткә тарыган пассажир автобусы, шулай ук "КАМАЗ" һәм "МАН" йөк автомобильләрен Зәй районы ЮХИДИ штрафстоянкасына алып киткәннәр. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.
Ведомство мәгълүматлары буенча, һәлакәт урынында "Татнефтедор" җәмгыяте автокраны, төягеч һәм йөк тралы эшли, зыян күргән автотранспорт шунда төялә.
Искәртеп үтик, Самарадан Ижауга бара торган пассажир автобусы бүген төнлә 00.37 сәгатьтә Зәйдән чыгу юлында һәлакәткә тарыган. Автобус һәм йөк машинасы 14 кеше һәлак булып, 15е төрле җәрәхәтләр алган. Әлеге факт буенча җинаять эшләре кузгатылган.Татарстан Президенты указы нигезендә, 2 июль республикада матәм көне итеп игълан ителде.
Нет комментариев