«Аучы» салаты

Кирәкле ризыклар:
- 250 г тавык ите;
- 2 данә бәрәңге;
- 3 данә йомырка;
- 1 данә кишер;
- 2 данә тозлы кыяр;
- 150 г маринадланган гөмбә;
- 200 г сыр;
- майонез.

Эш барышы:
Тавык, йомырка, яшелчәләрне пешереп алырга.
«Аучы» салаты рәт-рәт итеп ясала.
1нче рәт – вак итеп туралган бәрәңге, майонез.
2нче рәт – вак итеп туралган тавык ите, майонез.
3нче рәт – озынча итеп туралган йомырка, кыргычтан кишер, майонез.
4нче рәт – кыргычтан чыгарылган тозлы кыяр, майонез.
5нче рәт – гөмбә, майонез, сыр.
Салатны 2-3 сәгатькә суыткычка куеп торырга.
Ашларыгыз тәмле булсын!