Чулпан Әскәровадан – «Кояшкай» салаты

Салат өчен кирәкле продуктлар: дүрт йомырка, бер кишер, бераз тавык ите, сыр, кукуруз, киви, майонез. 

Әлеге салат катлам-катлам итеп ясала.

Йомырка, тавык ите һәм кишерне пешерәбез. Йомырка, кишер, сырны вак угычтан уабыз, ә тавыкны шакмаклап турыйбыз.

Салат матур килеп чыксын өчен, тәлинкә уртасына стакан куябыз. Аннан соң стакан тирәли түбәндәге тәртип буенча продуктларны салабыз: йомырка, майонез, тавык ите, майонез, кишер һәм сыр, майонез. Өстенә кукуруз тезәбез һәм киви белән бизибез.

Фото ачык чыганаклардан

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).