Җир җиләгеннән квас ясыйбыз

Җир җиләген кая куярга белми аптырыйсызмы? Алайса квас ясагыз. Моның өчен җиләкләрне бик әйбәтләп юалар, суын саркыткач, чистартып, эмаль савытка салалар. 250 г җиләккә 70 г исәбеннән су салып кайнатып чыгаралар. Уттан алып, 10 минут тоткач, сөзәләр. Бер аш кашыгы бал, 4 бал кашыгы шикәр комы, 1 г лимон кислотасы салып болгаткач, кабат сөзеп шешәләргә тутыралар. һәр шешәгә 3-4 кенә йөзем салалар. Шешәләрне бераз тутырмыйча калдырып, авызларын бөкеләп куялар. Салкын урында 7-10 көн торгач квас әзер була.

Инде тизрәк өлгерсен дисәгез, шешәләргә салып авызын томалагач. 25-27 градус җылыда (җәен бүлмә температурасы) тотыгыз һәм өченче көнне генә салкын урынга куегыз. Болай эшләгәндә квас дүрт көннән әзер була.

фото: https://loon.site