Озак яшим, дисәң...

"Хәлләр ничек?" дип сорасаң, "Ашауга карап!" диләр безнең халыкта. Чынлап та, хак сүзләр икән болар. Әлеге хакыйкатьне инглиз галимнәре күпсанлы тикшеренүләр нигезендә дәлилләгән. Дөрес тукланмау нәтиҗәсендә үлем-китем күрсәткечләре аеруча югары булган илләр дә аталган.
Шунысын билгеләргә кирәк: әлеге илләр арасында беренче ун урынны элекке Советлар Союзы составында булган илләр били. Беренче урында - Үзбәкстан, икенче урында - Төркмәнстан, аннары - Кыргызстан.
Дөрес тукланмау аркасында үлүчеләр саны буенча арытаба Украина, Молдавия, Азәрбайҗан, Белоруссия, Таҗикстан, Казахстан тора. Унынчы урында - Русия.
вЕропада дөрес тукланмау буенча Германия беренчелектә. Ә менә иң дөрес һәм яхшы тукланучылар Испания һәм Израильдә яши икән. Анда, нәтиҗә буларак, югары кан басымы, артык авырлыктан интегүчеләр дә аз, ди.

https://kiziltan.rbsmi.ru/articles/obchestvo/ozak-yashim-dis-/