Шəhри Чаллы
  • Рус Тат
  • Шекерпаре (төрек печеньесы) пешерү ЫСУЛЫ

    Төрек печеньесы

    125 гр маргаринга (яки сыер маен) 1 йомырка кушып, миксер белән туглыйбыз. Шуңа 1/3 стакан сыек май, 1 чәй кашыгы камыр көпшәкләндергеч (разрыхлитель), 1 кап ванилин, 1/3 стакан шикәр комы (шикәр пудрасы) кушып, тагын туглап алабыз.

    1,5 стакан он салып, миксер белән болгатабыз да, тагын 1 стакан он өстәп, камырны кул белән басып бетерәбез. Шундый йомшак, кулга рәхәт камыр чыга. Түгәрәкләр ясап, табага тезәсе һәм 175 градуста кызган газ мичендә 25-30 минут пешерәсе.

    Мин рецептка әз генә үзгәреш керттем: камырны икегә бүлдем һәм бер яртысына какао өстәдем, ике камырдан әзрәк кушып, түгәрәкләр ясадым.

    Сироп: 1 стакан су, 1 стакан шикәр комы, чирек лимонның согын кушып, кайнатып алдым. Печенье пешүгә, өстенә шушы сиропны агыздым (рецептта да шулай). Сироп сеңгәннән соң, калганын саркыттым. Печенье авызда эри, чәйнисе дә юк.

     

    http://shahrikazan.ru/news/kish-tabyish/shekerpare-trek-pechenesy-pesher-ysuly

    Нравится
    Поделиться:
    Реклама
    Комментарии (0)
    Осталось символов: