Данир Сабировның хатыны Миләүшә бөтен кешене шокта калдырды

Пародияләр остасы, җырчы Данир Сабировның тормыш иптәше Миләүшә социаль челтәрләрдә кызыклы видео урнаштырды. 

Анда ул машинада бара һәм түбәндәге сүзләр язылган: 

– Мин спираль куйдырырга китеп барам әле. Чөнки ирем, ни өчендер, өченче балага исем уйлап куйган. Иртәнге 7дә үк чыгып киттем, алайса чиратта утырасы була, – дигән.

Миләүшәнең видеосын аңлап бетермәгәннәр. Социаль челтәрләрдә бик күп хейт, ягъни начар комментарийлар урын алды. Үзе бу турыда: 

– Минем видео астындагы комментарийларны күрдегезме? Мин шокта! Нәрсә генә язып бетермәгәннәр, – дигән ул. 

«Ник тагын күрем вакытыгыз турында видео төшермәдегез», «Оят бит бу! Ничек шуны язарга була?», «Артыгын кыланасыз», «Оятсызлар! Кешеләр СВОда... Балаларын күрергә тилмереп ята. Ә болар спираль куйдырганны бөтен дөньяга чәчә» ише комментарийлар калдырган Миләүшә Сабированың подписчиклары. 

Данир Сабиров исә: 

– Өйгә кайтып та кергәнем юк бит, әнисе, – дип кенә язып куйган.