Бакчага йөрү кыйммәтләнә

Татарстанның Фән һәм мәгариф министрлыгына соңгы вакытта бик күп әти-әниләр балалар бакчаларына түләүләрнең артуына бәйле сораулар белән мөрәҗәгать итә. Чыннан да, бакча тәрбиясе яңа елдан нинди суммага төшәчәк? Бу нисбәттән, ведомствоның матбугат хезмәте түбәндәгеләрне хәбәр итә: 2016 елның 1 гыйнварыннан республикадагы бакчаларга 1 баланы йөртү бәясе уртача 8%ка кыйммәтләнергә, ягъни 270 сумга күтәрелергә мөмкин. Әлеге үзгәрешне бакча чыгымнарының артуы белән аңлата белгечләр. Ә соңгысы азык-төлеккә бәяләр күтәрелү, бакчалардагы персоналның хезмәт хаклары арту белән бәйле, дип ассызыклана.

Ми­нис­тр­лык­та әй­тү­лә­рен­чә, ба­ла­ны бак­ча­да тәр­би­я­лә­ү­гә са­рыф ител­гән чы­гым­нар­ның 70 про­цен­тын бо­лай да бюд­жет тү­ли. Ә ту­лы сум­ма ае­на якын­ча 8 мең сум­га җы­е­ла. Бә­я­ләр­нең ар­туы яки ки­мүе ба­ланың кай­сы тип­та­гы бак­ча­га йө­рү­е­нә дә бәй­ле. Әй­тик, ба­ла­лар­ны тәр­бия кы­лу ва­кы­ты 10,5 сә­гать тәш­кил ит­кән го­мум­тәр­бия би­рү­че бак­ча­га бер ба­ла­ны йөрт­кән өчен тү­ләү ае­на 2563 сум тәш­кил итә. 2016 ел­ның 1 гыйн­ва­рын­нан әлеге сум­ма 207 сум­га ар­та һәм 2770 сум тәш­кил итәр, дип кө­те­лә.

Ве­дом­ство шу­лай ук бар­лык таш­ла­ма­лар­ның һәм ком­пен­са­ция тү­лә­ү­лә­ре­нең сак­ла­нуы ха­кын­да ис­кәр­тә.

Әй­тик, бе­рен­че ба­ла­га - бак­ча өчен ур­та­ча тү­ләү­нең 20%ы, икен­чесенә - 50%ы, өчен­че һәм ан­нан соң­гы ба­ла­лар­га 70% кү­ләмен­дә таш­ла­ма­лар ка­рал­ган. Әле­ге ком­пен­са­ци­я­ләр, әти-әни­нең ке­ре­ме нин­ди бу­лу­га ка­ра­мастан, бө­тен га­и­лә­ләр­гә дә түләнә.

Ә му­ни­ци­паль дә­рә­җә­дә бил­ге­лән­гән ком­пен­са­ци­я­не һәр га­и­лә әгъ­за­сы­ның ке­ре­ме 20 мең сум­нан ким бул­ган бар­лык га­и­лә­ләр дә алыр­га хо­кук­лы. Бу нис­бәттән, исәп-хи­сап һәр ке­ше­гә, ке­ре­менә карап, төрлечә ясала. Әйтик, 10 000 сум­га җит­мә­гән­дә - бер төр­ле, 10 000 сум­нан 15 000 сум­га ка­дәр - икенче, 15 000 сум­нан 20 000 сум­га ка­дәр - өчен­че төр­ле. Ке­рем ким­рәк бул­ган са­ен, ком­пенсация кү­лә­ме дә ар­та.

Ин­де тө­гәл­рәк итеп аң­латкан­да, һәр га­и­лә әгъ­за­сы­ның ке­ре­ме 10 000 сум­нан арт­ма­ган оч­рак­та, тәр­бия кы­лу ва­кы­ты 10,5 сә­гать тәш­кил ит­кән го­мум­тәрбия би­рү­че бак­ча­га бе­рен­че ба­ла­сын йөрт­кән өчен әти-әни тү­лә­гән 2770 сум ак­ча­ның 279 су­мы ка­бат үз­лә­ре­нә кай­та. Өс­тә­ве­нә, 829 сум кү­лә­мен­дә­ге рес­пуб­ли­ка ком­пен­са­ци­я­се дә тү­лә­нә. Шу­лай итеп, га­и­лә ке­сә­се­нә 1108 сум ки­ре кай­та. Бер ба­ла­ны бак­ча­га йөр­ткән өчен га­и­лә җәм­гы­се 1662 сум тү­ли бу­лып чы­га.

Ин­де күп ба­ла­лы га­и­лә­ләр ха­кын­да да бер­ни­чә сүз. Алар бер ба­ла­га тү­лә­нә тор­ган го­му­ми сум­ма­ның 50%ын гы­на тү­ли һәм ком­пен­са­ци­я­ләр алу хо­ку­кы­на да ия.

Ин­ва­лид ба­ла­лар, ту­бер­ку­лез бе­лән авы­ру­чылар, ятим­нәр һәм әти-әни тәр­би­я­сен­нән мәх­рүм кал­ганнар­ны бак­ча­га йөр­тү буш­лай.

Мас­са­кү­ләм мәгъ­лү­мат ча­ра­ла­рын­да нә­шер ител­гән әле­ге яңа­лык­ка ка­ра­та ха­лык­ның фи­ке­ре төр­ле. Кар­шы­лык­лы­лары да җи­тәр­лек. Һәр та­раф­та ар­тып тор­ган бә­я­ләр фо­нын­да хез­мәт хак­ла­ры бер ге­нә сум­га да арт­ма­ган ур­та­ча ке­рем­ле га­и­лә­ләр­нең бор­чу­ын кем аң­лар, за­рын кем тың­лар икән соң? Ха­лык­тан фи­кер­ләр кө­тә­без.

Рә­зи­нә На­сый­бул­ли­на