Чаллыда “Күңел җылысын бүләк ит” акциясе дәвам итә

Октябрнең 18 енә кадәр Чаллыда күп балалы гаиләләргә, өлкәннәргә, мөмкинлекләре чикләнгән кешеләргә, мохтаҗларга ярдәм йөзеннән, шәһәребездә "Күңел җылысын бүләк ит" хәйрия акциясе уздырыла. "Күңел җылысын бүләк ит" акциясендә теләгән барлык кеше дә катнаша ала. Моның өчен "Нур" яшьләр үзәгенә эш сәгатьләрендә төрле җылы киемнәр алып килергә кирәк була. Аларны 15 һәм 16 октябрьдә барлык мохтаҗлар да алып китә алачаклар. Калган киемнәр 18 октябрь көнне шәһәрнең мәчетләре һәм чиркәүләренең әйберләрне кабул итү пунктлары буенча таратылачак.