Чаллыда мәктәпләр җитми

Гигант КАМАЗ заводларын төзегән елларда балалар бакчаларына су буе чиратлар иде, хәзер алай ук түгел, ике-өч елда бу хәл ителә. Ә мәктәпләрдә укуларны ике сменада алып барырга туры килә. Быел ак калада бер мәктәп сафка басканын әйткән идек инде, тагы киләсе дүрт ел эчендә Чаллыда башлыча яңа микрорайоннарда өч мәктәп төзелеп файдалануга тапшырылырга тиеш. Әлеге мәсьәлә ТР Президенты Рөстәм Миңнеханов яклавын тапкан. Быел Чаллыда уналты мәктәптә икенче сменада 4200 бала укыячак.