Парклар төзекләндерелә

Мәгълүм булганча, 2015 ел - Татарстанда парклар һәм скверлар елы. Шул уңайдан Чаллыда халык ял итә торган 10 урынны төзекләндерергә җыеналар. Шәһәр хуҗалыгы һәм халыкның тормышын яхшырту идарәсе башлыгы Рафаил Кыямов әйтүенчә, беренче чиратта ГЭС бистәсендәге Тукай яр буе урамы тәртипкә китереләчәк. Моннан тыш, Владимир Высоцкий мәйданы, ял һәм мәдәният, Гренада парклары, Муса Җәлил скверы, Кереселидзе бульвары төзекләндерелә. Бу эшләр өчен республика бюджетыннан - 136 миллион, ә шәһәр бюджетыннан 68 миллион сум акча бирелә. Ул һәр объектның проектына карап бүленә.