Шәһәребез чиста һәм матур булыр

1 нче апрельдән Яр Чаллыда шәһәрне төзекләндерү һәм яшелләндерү ике айлыгы башлана.

22 апрельдә шәһәрдә гомуми өмә үткәреләчәк. Аңа кадәр районнарда җыештыру, балалар мәйданчыкларында тәзәтү-буяу, предприятие һәм оешма җирлекләрен чистарту эшләрен төгәлләргә кирәк.

Көнкүреш калдыкларын җыю полигоны чүп-чар кабул итәргә әзер.

ПЭК 1 апрельдән 30 майга кадәр, якшәмбе көннәреннән тыш һәр көн оешмалардан гариза нигезендә чүп- чар кабул итә. Үсемлек калдыклары «Горзеленхоз» карьерында туплана.

29 апрельдә зиратларны чистарту буенча Хәтер көне була.