Синоптиклар кисәтә!!!

Татарстан Гидрометеорология һәм әйләнә-тирә мохитны күзәтү идарәсе һава торышы шартлары бозылу турында кисәтү таратты. 27 ноябрь иртән, көндез һәм кич республика буенча һәм Казанда көчле, юеш кар, буран көтелә. Буран вакытында күз күреме 1000 метр һәм аннан да кимрәк тәшкил итәчәк. Көньяк-көнбатыштан исүче җил көчәйгәндә секундына 18 метрга кадәр җитәргә мөмкин (Казанда секундына 14 метрга кадәр). Юлларда бозлавык, урыны белән кар көртләре барлыкка килү ихтималы бар.