Ярминкәләр дәвам итә

Бүген, 20 декабрьдә, Азатлык мәйданында янә "Яңа ел казы" ярминкәсе үтте. Чаллы халкына Татарстанның 19 районыннан килгән шәхси эшмәкәр үз хуҗалыгында үстергән каз, үрдәк, күркә, сыер ите тәкъдим итте. Казның түшкәсен 1000-1500 сумга алып була иде. Моннан тыш, 150 сумга эч-баш җыелмасы да сатылды. Хуҗабикәләр коймак майларга дип, эретелгән каз мае да алдылар. Чираттагы ярминкәләр иртәгә һәм 27-28 декабрьдә Сарман трактында һәм "Южный" агросәнәгать паркында була.