«Язылу бүләк ит!» акциясе дәвам итә
Милли җанлы шәһәрдәшебез, китапханәче, Татарстанның атказанган мәдәният хезмәткәре Роза Хәмидуллинаны Чаллыда белмәгән кеше сирәктер. Ул үзәк китапханәдә төрле эчтәлекле кичәләр, язучылар һәм иҗат әһелләре белән очрашулар үткәрә, библиографик белешмәләр, вафат булган язучыларның китапларын чыгара. Газета-журналларга мәкаләләр яза. Алай гына да түгел, үз акчасына лаеклы ялдагы кешеләргә татар газета-журналларын яздырып, бүләк итә.
