Чаллы артистлары «Берлинны алган»!

6 июльдә Мәскәүнең «Коломенское» музей-тыюлыгында милли бәйрәм – Сабан туе узачак. Тамаша сәгать 11:00 башлана. Бәйрәм оештыруда гадәттәгечә Чаллы артистлары катнаша. Тулы бер делегация белән алар Мәскәүгә китте.  

«Без «Берлин» кунакханәсенә тукталдык. «Берлинны алдык менә!» (көлә). Кич репетиция булыр дип көтәбез. Мәскәүдә кызу, +28 - +30 градус күрсәтә. Иртәгә +23 булыр дип көтелә, яңгыр булмый. Бу безнең өчен бик яхшы инде! Артык кызуда чыгыш ясавы да уңайсыз бит... Мәскәү Сабан туен Лилия Мортазина белән Илнур Гомәров алып барачак», – дип сөйләде безгә Татарстанның атказанган артисты Гөлдания Хәйруллина. 

Милли бәйрәмебездә шулай ук Чаллының танылган артистлары Равил Галиев, Лилия Букеева, Алинә һәм Динә Гарифуллиналар да чыгыш ясаячак.