Чаллы блогеры өченче тапкыр әни булачак

Диана Хәмидуллина – блогер, интернет-маркетолог, белгеч-практик, социаль челтәрләрдә эшләү буенча остаз. Аңа 30 яшь, ул иптәше - кул көрәше буенча уңышка ирешкән спортчы Рим Хәмидуллин белән бер кыз, бер малай үстерә.

 Диана социаль челтәрләрдә шатлыклы хәбәре белән уртаклашты :”Өченчегә бәби көтәбез. Инде 5 айлык. Малаймы, кызмы икәнен әлегә белмибез. Сабый күченүебезене дә, ремонтны да, барлык стрессларны да сабыр гына үткәрде. Сәламәт, нык бала булып үс, газизебез” дип язды ул үз аккаунтында.

УЗИ тикшеренүләрен үткәч, бәхетле әти-әни баланың җенесе турындагы мәгълүмат белән дә уртаклашырга вәгъдә бирде.