Чаллыга башкаладан курчак театры килә

12, 13 һәм 14 октябрь көннәрендә Чаллыга гастрольләр белән «Әкият» Татар дәүләт курчак театры килә. Алар кечкенә тамашачыларга Редьярд Киплинг әсәре буенча куелган «Маугли» музыкаль-пластик спектаклен һәм Льюис Кэрролл әсәре мотивлары буенча куелган «Страна чудес Алисы» сәхнә әсәрен тәкъдим итәчәк. Аларны театрның сәнгать җитәкчесе Илгиз Зәйниев куйган. Спектакльләрне Чаллы татар дәүләт драма театры сәхнәсендә карарга мөмкин булачак.