Ташламалы бәядән язылып калыгыз!

Лүзия Локманова:
- Шәһри Чаллы»ны әле быел гына алдыра башладык. Ул миңа шәһәребездә үткән бер мәдәни чара вакытында кулыма килеп керде. Башта әллә ни игътибар бирми генә кулыма алган идем, ачып укый башлагач кызыксынып киттем. Яраткан җырчым Хәния Фәрхи хакында махсус рубрика чыгуын белгәч, газетаны яздыртып алырга булдым. Әлбәттә, башка язмаларны да күңел биреп укыйбыз. «Киңәш-табыш», «Бакчачы почмагы»н да үз итәбез. Кыскасы, газетаны атна саен зарыгып, көтеп алабыз.
Гүзәл Силюкова:
- Мин инде күптән лаеклы ялда. Ялгызым гына гомер кичерәм. Замана җайланмалары белән дус түгел. Компьютерым да юк, телефоным да гади генә. Әле ярый сез бар. Шәһәр яңалыклары белән газетагыз аша танышып барам. Бик кызыклы һәм тулы итеп язасыз. Пенсиягә кагылышлы мәгълүматлар биреп баруыгыз да ошый. «Менә, газетада шулай язганнар» дип, әле күрше әбиләргә дә күрсәтәм. Бу рубрикагыз дәвамлы булсын иде.  Ул безгә бик кирәк. 
Айрат Фәтхиев:
- Газетагызны мин чыга башлаганнан бирле алдырам дисәм дә ялгыш булмас. Без өлкәннәр шулай гадәтләнгән инде. Басма матбугатсыз яши алмыйбыз. Сизгәнемчә, быел газетагызның бизәлеше үзгәрде, тагы да матуррак итеп чыга башлады. Һәм бу бик дөрес тә, заманадан калышырга ярамый. Шулай ук эчтәлеге дә яхшырды дип әйтер идем. Шәһәребез кешеләре, торак-коммуналь хуҗалыгы темасына язмалар артты, сәламәтлек темасын да тулы итеп яктыртасыз. Газетагыздан без бик канәгать.