Ябыгырга теләсәң...

АКШның Миннесота университеты галимнәре гөмбәнең ябыгырга теләүчеләр өчен иң шәп ризык икәнен ачыклаганнар. Алар үзләре теләк белдергән берничә кешене җыеп, аларны нигездә ит һәм гөмбә белән сыйлаганнар. Нәтиҗәләр күрсәткәнчә, гөмбә ашаган кешеләрдә туклыклылык хисе шактый озакка барган, ә ит ашаганнарның тамаклары тиз ачкан. Өстәвенә, әбәдкә ит ризыклары сайлаганнар гөмбә сайлаганнарга караганда 100т калорийга күбрәк тә ашаганнар. Экспертлар гөмбәнең витаминнарга һәм антиоксидантларга бай икәнен дә билгеләп үткәннәр.