Бәрәңгене чистарткач, ярты сәгать салкын суда тотарга кирәк

Бәрәңге... Нинди генә ризыклар, ашлар әзерләмибез аннан. Мөгаен, ул күпләрнең яраткан яшелчәседер. 

Кибетләрдә хәзер аның ниндие генә юк. Тик аларның кайберләрендә нитратлар да булырга мөмкин, ди белгечләр. Бу матдәләр бәрәңге кабыгына җыела икән. Мондый яшелчәне ашаганчы, кабыгын әрчеп, ярты сәгать чамасы салкын суда тотарга кирәк.  Шул рәвешле нитратлар чыгып бетә ди. Ләкин суны ике тапкыр алмаштырырга кирәк.

Беләсегез килсә, бәрәңгенең согы да күп төрле чирләрдән дәва икән. Мәсәлән, ашказаны-эчәк тракты авыруыннан. Бәрәңге суын көнгә өч мәртәбә ашар алдыннан эчсәң файдасы зур, ди белгечләр. Тик моңа кадәр табиб белән киңәшләшү зарур. 

фото: https://ru.freepik.com