Энҗе Шиһаповадан – тәмле салат

«Мин бу салатны һәр бәйрәмдә ясыйм, чөнки үзем дә, кунакларым да ярата. Ул катламлап әзерләнә. Беренчесенең арасына – сарымсаклы, ә калганнарына сарымсаксыз майонез ягыла», – ди Аяз Гыйләҗев исемендәге Чаллы татар дәүләт драма театры артисты.

Эш тәртибе түбәндәгечә:

1 катлам – угычтан чыгарылган пешкән бәрәңге, өстенә бераз тоз.
2 катлам – челтәрләп сарымсаклы майонез.
3 катлам – шакмаклап туралган ысланган тавык ите. 
4 катлам – майонез.
5 катлам – вак итеп туралган суган.
6 катлам – кореяча кишер.
7 катлам– саламлап яшел кыяр, майонез.
8 катлам – уылган йомырка агы.
9 катлам – майонез.
10 катлам – уылган сыр.
11 катлам – майонез.
12 катлам – уылган йомырка сарысы.
Үзегез теләгәнчә бизи аласыз.