Кычыткан иммунитетны ныгыта, матдәләр алмашын көйли.

Кычытканны җәй буена кулланырга була. Кышка әзерләп кую өчен май аенда җыелганы бигрәк тә яхшы. Киптереп, кәгазь тартмаларда, яки пакетларда сакларга кирәк.

Кычыткан кан туктату , яраларны төзәтү, витаминнарга баету, иммунитетны ныгыту, матдәләр алмашуны яхшырту, аналык, эчәклек, йөрәк-кан тамыры системасы, тын юллары системасы тонусын күтәрү үзлегенә ия. Кычыткан кан составын яхшырта, буыннарны ныгыта, ревматизм авыртуларын тынычландыра, тәнне чистарта, аллергияне киметергә булыша.

АВИТАМИНОЗДАН

2 аш кашыгы киптерелгән кычытканга 1 стакан кайнап торган су салырга, сөзеп алырга. Көнгә 3 тапкыр 1 аш кашыгы эчәргә.

ГАСТРИТТАН

1 аш кашыгы кипкән кычытканга 1 стакан кайнап торган су салырга, салмак утта 10 минут кайнатырга. Көнгә 4-5 тапкыр 1 аш кашыгы эчәргә.

ГЕМОРРОЙДАН

2 шәр аш кашыгы кычыткан яфрагы һәм тамырына 1 стакан кайнап торган су салып, 30 минут төнәтергә. Көнгә дүрт тапкыр , ач карынга чирек стакан эчәргә. Дөвалану курсы 2 атна. 5 көн тәнәфестән соң курсны кабатларга. Авыруның башлангыч стадиясендә булыша.

БАШ АВЫРТУДАН

3 аш кашыгы вакланган кычытканга 2 стакан су салырга һәм 2-3 минут кайнатырга. 1 сәгать төнәтергә. Көн дәвамында берничә тапкыр ярты стакан эчәргә.

ҮТ КУЫГЫНДА ТАШЛАР БУЛГАНДА

Кычыткан яфрагының согын сыгарга. Һәр 2 сәгать саен 1 аш кашыгы сок эчәргә.

Кычыткан согын көнгә 2-3 тапкыр чирек (1/4) стакан эчәргә.

БАВЫР АВЫРУЛАРЫННАН

1 аш кашыгы ваклап туралган кычытканга 1 стакан кайнап торган су коярга, ярты сәгатькә төреп куярга. Ай буена көнгә 1 тапкыр ярты стакан эчәргә.

4 аш кашыгы вакланган кычытканга ярты литр су салырга, 5 минут кайнатырга, аннары сөзеп алырга. Кайнатмага 1 аш кашыгы бал салырга, көнгә 4 тапкыр кайнар килеш ярты стакан эчәргә.

ИНСУЛЬТТАН

20 грамм вакланган кычытканга 1 литр кайнар су салырга, салмак утта 10 минут кайнатырга. Төнгә төреп куярга. Сөзеп алырга һәм көнгә 3 тапкыр ярты стакан эчәргә.

ЙӨРӘК ЧИРЕННӘН (ИБС)

Ярты литр кайнап торган суга 5 аш кашыгы ваклап киптергән кычыткан салырга, салмак утта 5 минут кайнатырга. Кычыткан чәчәк ата башлаган вакытта җыелган булырга тиеш. Көнгә 4 тапкыр ярты стакан эчәргә.

15 грамм вакланган кычыткан тамырына 1 стакан кайнап торган су салырга, салмак утта 10 минут кайнатырга, ярты сәгать төнәтергә. 3-4 атна дәвамында ашарга ярты сәгать кала көнгә 3 тапкыр 3 аш кашыгы эчәргә.

Рушания Минсәгыйрованың шәхси битеннән алынды