Килен белән кайнана мөнәсәбәтләре нинди булырга тиеш?
Кайнана белән килен мөнәсәбәтләре элек-электән үк бик актуаль һәм иң күп сөйләнелә торган темаларның берсе булып торган. Инде борынгыдан ук килгән әйтем, мәкальләргә күз салсак, анда да килен белән кайнана турындагылары шактый. Араларында киленне дә, кайнананы да мактап, яисә киресенчә, начарлап язганнары бар. Менә шуларның кайсы берләре генә: «Килен кеше – ким кеше», «Көзге катык, көмеш кашык киявем белән кызыма. Язгы катык, ярык кашык киленем белән улыма», «Килен кайнана туфрагыннан ярала», «Кызым сиңа әйтәм, киленем син тыңла».
