Татар кызы – калфаклы ул!
Чигүле калфак кигән татар кызларына карап сокланмый мөмкин түгел. Ә менә яссы, түбәтәй формасындагы калфакларның килеп чыгу тарихын сез белә идегез микән? Ул менә болайрак. Явыз Иван калфагын салырга кушкач, Казан ханбикәсе - Сөембикә каршы килгән. Шулчак ачулы патша аның очлы калфагын кылычы белән кисеп төшергән. Шул рәвешле, ханбикәнең башында калфагы очсыз, яссы булып калган. Әмма, бернигә карамастан, ул аны салмаган. Шулчак калган хатын-кызлар да аңа терәк булу йөзеннән калфакларының очын кисеп, хәзергечә яссы итеп кия башлаганнар.
