Барыбыз да өмәгә

Шәһәр хакиме Васил Шәйхразиев 19 апрельдә Чаллыда шимбә өмәсе оештыру турындагы карарга кул куйды. Чүп-чардан чистарту һәм яшелләндерү эшләре шәһәребезнең барлык урыннарында да, шул исәптән, күп фатирлы һәм шәхси йортлар, бакчачылык ширкәтләре янәшәсендәге территорияләрдә дә башкарылачак. Шулай ук 1 апрельдән 22сенә кадәр шәһәрнең белем бирү учреждениеләрендә экологик белем акцияләре: "чисталык дәресләре" үткәрү, Халыкара кошлар көнен, Бөтендөнья җир көнен бәйрәм итү планлаштырыла. Ә инде күркәм традициягә кергән "Агач утырт!" акциясендә 25 апрельдән 15 майга кадәр катнашачакбыз.