Бүген, 1-нче июнь – Халыкара балаларны яклау көне

Кадерле балалар, хөрмәтле әти-әниләр!

Һәр елның җәй башында иң матур, якты, истәлекле бәйрәмнәрнең берсе булган Халыкара балаларны яклау көне уздырыла. Шушы бәйрәм уңаеннан иң изге теләкләр юллыйбыз. Бәхетле һәм сәламәт булыгыз. Әти-әниләр, өлкән яшьтәге ихтирамга лаеклы кешеләр балаларыбыз белән һәрвакыт горурланык, аларның игътибарын, мәхәббәтен тоеп яшик. Йөзегездә һәрвакыт елмаю булсын. Сез - безнең киләчәгебез! Иң куанычлысы - сөенечле мизгелләр, көтеп алган каникуллар сезоны башланды. Җәй айларын истә калырлык, кызыклы һәм иң мөһиме файдалы итеп үткәрик.

Балдай татлы балачакта

Җир җиләкләре тәме.

Тәмле балачак күгендә

Киләчәк көннәр гаме!