Чаллыда 10 мең бала дежур төркемнәргә йөри

Апрель ахырында үткәрелгән сораштыру нәтиҗәләре буенча, 9500 нәни чаллылы өчен 4-7 майда бакчаларда дежур төркемнәр оештырылды.

Искәртеп үтәбез, Чаллыда барлыгы мәктәпкәчә яшьтәге 30 мең бала исәпләнә.

Мәктәп укучылары исә 1 майдан алып 10 майга кадәр ял итә. 10 майдан соң укыту программаларына корректировкалар кертәчәкләр. Планлаштырылган материал тулысынча биреләчәк, бер тема да төшеп калмаячак, дип әйтте мәгариф идарәсе башлыгы Рөстәм Хуҗин.

Югары уку йортлары һәм көллият студентлары да 1-10 май көннәрендә ял итә.