Чаллыда Бөек Ватан сугышында катнашкан 30 ветеран гомер итә

Шушы көннәрдә бар җирдә әлеге датага багышланган чаралар, ветераннарны хөрмәтләү тантаналары узачак.

Әйтик, шимбә көнне Энтузиастлар бульварында Георгий тасмалары таратылды. Шәһәр халкы мондый чарадан бик канәгать калды. 

Сүз уңаеннан, Чаллыда Бөек Ватан сугышында катнашкан 30 кеше яши. Шәһәр ветераннар советы хезмәткәрләре мәгълүматы буенча, автокалада бүген Ленинград блокадасында катнашкан 8 кеше, 28 - концлагерь тоткыннарының балалары, 607 тыл хезмәтчәне, 274 тол хатыннар һәм сугышта катнашкан инвалидларның тол хатыннары исәпләнә.