Чаллыда – онкология үзәге

Татарстан Президенты Рөстәм Миңнеханов Чаллыда онкология үзәге төзелешенең беренче этабын башларга әмер бирде. Ул БСМП һәм Комаров урамындагы мәйданда сафка басачак. Инде проект-тикшерү эшләре башланган. Төзелеш ике этапта барачак. Беренче чиратта елына 100 мең кешене кабул итә торган амбулатор онкология үзәге төзелә. Анда 30 урынга исәпләнгән көндезге стационар, 30 урынлы радиотерапия бүлеге була. Икенче этапта паллиатив ярдәм бүлеге булган 180 урынга исәнләнгән хирургия корпусы төзү планлаштырыла.