Идарә итү компанияләре исәп тотты

Чаллы хакимиятендә идарә итү компанияләре катнашында чираттагы баланс комиссияләре утырышы үтте. Бу юлы шәһәр башкарма комитеты җитәкчесе Наил Мәһдиев каршында Мәхәллә, Паритет, Вилюй һәм Энтузиаст оешмалары халыктан җыелган акчаларның нинди максатларга сарыф ителүе хакында исәп тотты. "Торак коммуналь хуҗалыгы өлкәсен һәрвакыт җитди контрольдә тотачакбыз. Шәһәрдәшләребезгә югары сыйфатлы хезмәт күрсәтелергә тиеш. Аларның гөзерләрен кичекмәстән хәл итү зарур. Әлегә җитешсезлекләрне төзәтергә вакытыгыз бар ", - дип искәртте Наил Мәһдиев идарә компанияләре җитәкчеләрен. Моннан тыш ул аларга торак-эксплуатация участоклары эшчеләренең хезмәт хакларын арттыру бурычын да куйды.