Күңелле һәм файдалы яллар

Кышкы каникулны файдалы уздыру өчен Чаллыда барлык уңайлыклар тудырылган. "Азатлык" мәйданындагы шугалакта, "Медео"да, "Төзүчеләр" стадионында, Җиңү паркында һәм 36 ишек алды хоккей кортында тимераякта шуарга була. Тимераякны 70-100 сумга прокатка алырга мәмкин. Боз сараенда шуарга теләүчеләргә тимераяк 100-200 (балаларга һәм зурларга) сумга төшә. Чаңгы яратучылар яр буе һәм Җиңү паркларына бара алалар. Чаңгылары булмаганнарның кесәсендә кимендә 50-100 сум акча булуы шарт. Моннан тыш, суык -10 градустан артмаганда Җиңү паркында аттракционнар да эшли. Татар дәүләт драма театры 4 гыйнварда "Хыялый", 10 сында "Ике хуҗаның хезмәтчесе" спектакльләрен күрсәтә. 7 гыйнварда Үзәк чыршы янында күңелле тамаша була.