Прокуратура “ятьмәсендә” – идарә компанияләре

Прокуратура 6 идарә итү компаниясендә гомумйорт чыгымнарын законсыз рәвештә тиешле суммадан артык түләтү фактларын ачыклады.

Закон бозучылар исемлегендә - "Ремжилстрой", "Электротехниклар", "Паритет", "Камстройсервис", "ДОМиКО", "Вилюй" ИК җаваплылыгы чикләнгән җәмгыятьләре.

Прокуратура әлеге компанияләр җитәкчеләренә кимчелекләрен төзәтүне таләп иткән хатлар җибәрде һәм октябрь, ноябрь айларында гомумйорт чыгымнары өчен коммуналь түләүләрне кабат исәпләүне таләп итте. "Камстройсервис", "ДОМиКО", "Паритет" идарә компанияләре, тиз арада шундый документларны әзерләп, шәһәр исәп-хисап үзәгенә тапшырды.