Шәһәрдә ишегаллары бәйрәмнәре бара

автор, 18 август 2021 - 09:22

574

Алар традиция буенча август аенда үткәрелә, чөнки бу территориаль-иҗтимагый үзидарәләр оешкан вакыт. Әлеге чара комплекста яшәүче кешеләрне, күршеләрне бер-берсенә якынайту, берләштерү максатын күз алдында тота. Шулай ук биредә ТИҮ җитәкчеләренең идарә итүче компания, халык белән тыгыз элемтәдә торганлыгы, территорияне тәртиптә тотуы, кешеләрнең тормышын яхшырту өчен, аларның иминлеген тәэмин итү өчен башкарган эшләре күренә.

Чираттагы бәйрәм 36нчы комплекста узды. Тантанада Чаллы Башкарма комитеты җитәкчесенең беренче урынбасары Илья Зуев, Үзәк районы башлыгы Искәндәр Галимов, ТР Дәүләт Советы һәм җирле депутатлар катнашты.
Ишегалдында халык өчен консультация пунктлары эшләде, иҗат күргәзмәләре, балалар өчен уеннар оештырылды. Бәйрәмдә ТР атказанган артисты Гөлдания Хәйруллина һәм үзешчән сәнгать осталары катнашты.
Мондый очрашу-кичәләр һәр комплекста үтәчәк. Аларда шәһәр мэры Наил Мәһдиев катнашуы да көтелә.

Тагын бер бәйрәм Комсомол районында, М.Бибишев исемендәге паркта "Безнең ишегалды - яхшы күршеләр" дигәне узды.

Чара барышында паркта яшәүчеләр үзләрен кунакчыл күршеләр җәмгыяте итеп хис итә алган зур ишегалдына әйләнделәр. Чарада муниципаль берәмлек башлыгы урынбасары Ирина Сәгыйдуллина, шәһәр Советы депутатлары Альберт Петров, Виталий Агапов, Сергей Хлебников катнашты.

Микрорайонда яшәүчеләр өчен концерт программасы да оештырылган иде. Дәүләт Советы депутаты Андрей Фомичев ярдәме белән ярдәмгә мохтаҗ 45 гаилә балалар товарлары кибетенә акчалата сертификатлар алды.

"Дуслык", "Квартал", "Бәхетле" ТИҮ рәисләре халыкны бәйрәм белән котлады һәм активистларга һәм булачак беренче сыйныф укучыларына бүләкләр тапшырды. Бәйрәм микрорайон халкын берләштерде һәм барлык катнашучыларга кич буе уңай хис-кичерешләр бүләк итте.