Сентябрьдә бакча эшләре
Алтын көзгә дә кереп барабыз. Сентябрь – бакчага керткән хезмәтнең нәтиҗәсен күрә торган ай. Шул ук вакытта бакчаны кышка әзерләү эшләренә керешә башларга да вакыт.
* Коры һава торса, яхшырак кышласын өчен, агачлар һәм куакларга су сибәргә кирәк.
* Кура җиләгенең уңыш биргән, карлыган һәм крыжовникның картайган ботакларын кисәләр. Аларны, җылы түтәл ясаганда, аска салып калдырырга яки яндырырга кирәк.
* Агачларның кәүсәләрен тикшерегез, корыган кайрыларны, лишайникларны чистартырга кирәк. Анда корткыч бөҗәкләр кышларга мөмкин.
* Агачларның кәүсәләрен һәм ботакларын агартырга кирәк. Ул кышын кәүсә ярылудан, язын кояш яндырудан саклаячак.
* Бушаган түтәлләргә сидератлар чәчүне дәвам итәбез.
* Сентябрь азагында чалмабаш (пион), флокс, ирисның яфракларын кисәргә кирәк.
Следите за самым важным и интересным в Telegram-каналеТатмедиа
Нет комментариев