27 марттан – 2 апрельгә йолдызнамә

Үгезбозау. Карьера үсешенә яхшы мөмкинлек булдырылачак, җаваплылыкны үз өстегезгә алырга курыкмагыз. Сишәмбе көнне теләсә нәрсә сезне баланстан чыгарырга мөмкин, шуңа күрә кешеләр белән азрак аралашырга тырышыгыз. 

Игезәкләр. Тирә-юньдәгеләрнең сөйләшүләреннән алынган мәгълүматка игътибарлы булыгыз, сезнең алда яңа мөмкинлекләр ачылачак. Һөнәри өлкәдә үсеш ихтимал. Күптәнге хыялыгыз тормышка ашарга мөмкин. Ялларда сәяхәткә чыгыгыз.

Кысла. Иҗади кешеләр өчен яхшы вакыт. Сез күп нәрсәгә ирешә, матди хәлегезне ныгыта аласыз. Сишәмбе көнне максатка ирешүдә кайбер кыенлыклар булырга мөмкин. Шимбә көнне ярдәмегез туганнарыгызга кирәк булачак. 

Арыслан. Атна яңа идеяләр өчен уңайлы. Чәршәмбе көнне эшлекле сәяхәтегез аңлашылмаучанлыклар аркасында бөтенләй файдасыз булырга мөмкин, аны икенче көнгә күчерү яхшы. Ял көннәрендә паркка яки кинога бару әйбәт булыр.

Кыз. Бу атнада сез эшлекле сәяхәткә чыга аласыз, ләкин сәламәтлеккә аеруча игътибарлы булыгыз. Мөһим эшләрне тәмамларга ашыгыгыз, вакытны сузмагыз. Ял көннәрендә сез гадәттәгедән күбрәк кешеләр белән аралашырсыз.

Үлчәү. Бу атнада ниндидер вәгъдәләр белән үзегезне алдамагыз. Атна уртасында якыннарыгыз белән бәхәсләшергә кирәкми. Пәнҗешәмбе көнне кирәксез сөйләшүдән сакланыгыз. Якшәмбе көнне үз уйларыгызны һәм хисләрегезне тәртипкә китерергә кирәк.

Чаян. Иң мөһиме турында уйларга тырышыгыз, шул чакта вак-төяк проблемалар зур максатларыгызны тормышка ашыруга комачауламаячак. Сезне, мөгаен, табышлы әйбер көтә. Дусларыгызның ярдәмен тоячаксыз. 

Укчы. Атнаның беренче яртысы искиткеч булачак. Бу чорны бозмас өчен бернәрсәне дә кискен үзгәртмәскә тырышыгыз. Чәршәмбе көнне актив эшкә чумуыгыз ихтимал. Атнаның иң уңайлы көннәре – пәнҗешәмбе һәм шимбә.

Кәҗәмөгез. Оптимизм проблемаларны чишәргә мөмкинлек бирәчәк. Пәнҗешәмбедән кала, сезгә килеп чыккан киртәләрне җиңел генә җиңеп чыгарга мөмкинлек тудырылачак. Якшәмбе көнне гаилә һәм дуслар белән күбрәк аралашыгыз.

Сукояр. Эшләрегез, фикерләрегез никадәр кирәк яки файдасыз булуга карамастан, югары бәяләнәчәк. Тирәгездәге бушлык бераз каушатып алырга мөмкин, шуңа да ял итәргә тырышыгыз. Җомга көнне яңа танышлар барлыкка килер. 

Балыклар. Бу атнада сез тәкъдимнәр өчен ачык булырга тиеш. Эшлекле мәсьәләләрне хәл итүдә интуициягә таяныгыз. Сишәмбе көнне эшлекле сәяхәтләр һәм сөйләшүләр уңышлы булачак. Пәнҗешәмбе җавапсыз гамәлләр кылырга һәм ялганларга ярамый.