31 июльдән – 6 августка йолдызнамә. Кыслалар, үзгәрешләр көтегез!

Үгезбозау. Карьера проблемалары беренче планга чыгарга мөмкин. Иң мөһиме – артык сөйләшмәскә һәм маҗараларга кермәскә. Башкаларның проблемаларын үзегезгә алмагыз. Ял көннәре уңышлы булырга вәгъдә итә, бигрәк тә шәһәрдән читтә булсагыз.

Игезәкләр. Бу атнада уйларыгыз эштә түгел, ә башка җирдә булачак. Аңлашылмаган хәлләр килеп чыкса, алар сезгә кагылмаса да, катлаулы эштә чишелеш таба алырсыз, уңыш һәм табыш китерә торган оригиналь нәрсә уйлап табарсыз.

Кысла. Бу атнада көч җыярга һәм яхшы ял итәргә тырышыгыз. Хәзер карьера һәм матди байлык мәсьәләләренә игътибар итмәгез, җан тынычлыгы турында уйлагыз. Аралашу, очрашулар өчен вакыт түгел. Бу атнада сезне өйдә яки эштә зур үзгәрешләр көтә.

Арыслан. Тормышыгызда уңай үзгәрешләр көтә. Хәзер үк тотынсагыз, күпне эшли алырсыз. Чәршәмбе коллектив эшчәнлек өчен уңайсыз көн. Ял көннәрен туганнарыгыз, дусларыгыз белән очрашуларга, балалар белән аралашуга багышлагыз.

Кыз. Әгәр мәхәббәтнең суынганын сизсәгез, ябышып тормагыз, тыныч кына аерылыгыз. Өйгә җитәрлек вакыт багышлагыз, анда уңайлы шартлар тудырыгыз. Якшәмбе көнне бөтен гаилә һәм дусларыгыз өчен пикник оештыру мөмкинлеге булачак.

Үлчәү. Атна катлаулы һәм бәхәсле булырга мөмкин, күп төрле эшләр килеп чыгар. Карьерагызда яңа сынау башланырга мөмкин. Чәршәмбе уңышлы булса да, хезмәт проблемаларын чишү күп көч алачак. Җомга эшлекле сөйләшүләр көтелә.

Чаян. Сез җитәкчеләрне, партнерларны һәм клиентларны кызыклы идея белән җәлеп итеп, күп нәрсәгә ирешә аласыз. Биргән вәгъдәләрне үтәп барырга кирәк. Атна ахырында мәгълүматны куллана белү проблемалардан котылу мөмкинлеге бирәчәк.

Укчы. Күбрәк аралашыгыз, сезгә эшлекле киңәшмәләрдә һәм очрашуларда ешрак булырга кирәк. Сишәмбе көнне интуитив теләкләрегезгә каршы тормагыз. Пәнҗешәмбе көнне вак-төяк белән шөгыльләнергә кирәкми, мөһимрәк нәрсәне калдырмагыз. 

Кәҗәмөгез. Тырышлыгыгыз уңышлы булыр, проблемалардан чыгып, күңеллерәк эшләр белән шөгыльләнә алырсыз. Дүшәмбе көнне гайбәт сөйләмәү, буш вәгъдәләр бирмәү яхшы. Җомга көнне профессиональ биремнәрне үтәгәндә игътибарлы булыгыз.

Сукояр. Сез мактауга лаек, ләкин үзегезне генә яратмагыз. Кинәт кенә кемгәдер сезнең ярдәмегез кирәк булырга мөмкин. Эшне иртәгәгә калдырмагыз, вак-төяк сорау соңыннан күтәрә алмаслык йөккә әвереләчәк. Проблемаларны хәл итү өчен пәнҗешәмбе уңай. 

Балыклар. Дүшәмбе көнне үк эшкә кереп китү җиңел булмаячак. Сишәмбе көнне башкаларга өметләнмәгез, барысын да үзегез эшләгез. Бу көнне алдау һәм мәгълүматны бозу мөмкин, моны булдырмаска тырышыгыз. Ялларны гаиләгә һәм балаларга багышлагыз.